KauharFM

«Каухар» радиосу тууралуу кыскача маалымат«Каухар» радиостудиясы 2009-жылы декабрь айынан баштап «Манас Жаңырыгы» радиосу аркылуу Чүй өрөөнүндө күн сайын 3 сааттык Улуттук багытта жана Ислам дининин алкагындагы уктурууларды обого чыгарып келген. Анда өлкөбүздүн көрүнүктүү дин аалымдары жана коомдук ишмерлери Чубак ажы Жалилов, Абдышүкүр Нарматов, Кадыр Маликов, Аким Эргешов, Мыктыбек Арстанбек, Өзүбек ажы Чотонов сыяктуу инсандардын диний сабактары, баяндары берилип турган. 2016-жылы февраль айынан тартып «Каухар» радиостудиясынын «Манас Жаңырыгы» радиосу менен түзгөн келишими соңуна чыккандыгына байланыштуу радиостудия өз алдынча интернеттен онлайн кызмат көрсөтүп баштады. Уктуруулар негизинен ыйман-ынсапка, адеп-ахлакка чакыруу багытында даярдалып, күн сайын www.kauhar.kg сайты аркылуу 24 саат бою кызмат көрсөтөт.
«Каухар» радиосунун негизги максаты кыргыздын улуттук баалуулуктарын жайылтуу аркылуу ыйман-ынсапка, адеп-ахлакка чакыруу жана угармандардын жан дүйнөсүн пайдалуу маалыматтар менен азыктандыруу.
«Каухар» радиосу – бактылуулукту издегендер үчүн!